|
|
|
طلاب وطالبات الفرقة الاولى والثانية لائحة الساعات المعتمدة فيه أسئلة كثير بتيجي عن معنى كلمة متطلب ويعني ايه مادة متطلب لمادة
|
معنى المواد المتطلبة ان فيه مواد مينفعش تدرسها الا بدراسة مواد معينة
|
طيب لا قدر الله وجبت مادة متطلب لمادة ثانية ده معناه انك مش هينفع تسجل المادة الثانية الا بعد ان تجتاز بنجاح المادة الاول يعني مثلا بقسم رياضة مادة حسبان ١ متطلب لحسان ٢ يبقى كده كل اللي جاب حسبان ١ مينفعش يسجل حسبان ٢ الا لما ينجح في حسبان ا
|
طيب اعرف منين المواد المتطلبة
|
انا هبعت لك دلوقتي كل المواد المتطلبة لو جايب اي منها لازم تيجي تسجلها واخر يوم للتسجيل يوم الخميس
|
طيب لو مجتش تسجل ده معناه اننا هنحجب لك المادتين معا لأنك مسجلتش
|
لو انت جايب مواد من الترم الاول مش متطلبة ده عادي وكل مواد الترم الثاني هتتسجل لك عادي بعد استكمال إجراءات التسجيل يعنى مش محتاج تروح للمرشد الاكاديمي
|
طيب تسجيل السمر كورس امتى
|
اكيد طبعا بعد ظهور نتيجة الترم الثاني باذن الله
|
لو فيه تساؤلات ثانية عرفوني
|
|